Firiფირი
შესვლადაიწყეთ უფასოდ

Firi-ს კონფიდენციალურობის განცხადება

ვერსია 6 ნოემბერი 2026. Firi-ს მართავს ინდივიდუალური მეწარმე გიორგი იმნაიშვილი, პირადი ნომერი 01024084615. ამ განცხადებასთან დაკავშირებულ ნებისმიერ საკითხზე მოგვწერეთ: admin@imna.digital.

ვინ რას წყვეტს

სტუდიები Firi-ს იყენებენ ნამუშევრების ჩასაბარებლად და საქმის სამართავად. სტუდია წყვეტს, რა მოხვდება მის გალერეებში, პორტფოლიოსა და ჯავშნებში: ფოტოები და ვიდეოები, კლიენტების მონაცემები და სახელი და ელფოსტა, რომელსაც ვიზიტორი არჩევანთან ერთად აგზავნის. ამ მონაცემებზე სტუდიაა დამუშავებისთვის პასუხისმგებელი პირი, Firi კი მათ მისი სახელით ამუშავებს.

თუ თქვენი შეკითხვა ამ მონაცემებს ეხება, ჯერ სტუდიას მიმართეთ. მისი საკონტაქტო მონაცემები მის გალერეასა და პორტფოლიოზეა. თუ მას ვერ დაუკავშირდით, მოგვწერეთ და დაგეხმარებით.

ქვემოთ ჩამოთვლილ ყველაფერზე Firi თავად წყვეტს, როგორც დამუშავებისთვის პასუხისმგებელი პირი.

რას ვინახავთ, რატომ და რამდენ ხანს

ვისირარატომ და რა საფუძვლითრამდენ ხანს
სტუდიის წევრისრა სახელი, ელფოსტა, ენა, პირობებზე დათანხმების დრო და სტუდიის სახელი, ლოგო და საკონტაქტო მონაცემები. ავტორიზაციის სერვისი, imna-auth, ინახავს ელფოსტასა და პაროლს ან Google-ის ანგარიშთან კავშირს.რატომ და რა საფუძვლით სტუდიის ანგარიშის სამართავად, ჩვენი ხელშეკრულების საფუძველზე.რამდენ ხანს სანამ სტუდია Firi-ს იყენებს.
სტუდიის, რომელიც იხდის ან გამოიმუშავებსრა საბანკო ანგარიშის მფლობელი და IBAN, შენახული ბარათის ტოკენი და გადახდების ჩანაწერები. თავად ბარათს Keepz ინახავს.რატომ და რა საფუძვლით გადახდის მისაღებად და შემოსავლის გადასარიცხად, ჩვენი ხელშეკრულების საფუძველზე და ბუღალტრული აღრიცხვის კანონმდებლობის მოთხოვნით.რამდენ ხანს იმ ვადით, რასაც საგადასახადო და ბუღალტრული აღრიცხვის კანონმდებლობა ითხოვს.
ვიზიტორის, რომელიც ყიდულობსრა სახელი, ელფოსტა, შეკვეთილი და რეტუშის შენიშვნა, კურიერისთვის კი ტელეფონის ნომერი და მისამართი. თავად ბარათს Keepz ინახავს.რატომ და რა საფუძვლით შეკვეთის შესასრულებლად, ჩვენი ხელშეკრულების საფუძველზე და ბუღალტრული აღრიცხვის კანონმდებლობის მოთხოვნით.რამდენ ხანს იმ ვადით, რასაც საგადასახადო და ბუღალტრული აღრიცხვის კანონმდებლობა ითხოვს, გალერეის წაშლის შემდეგაც.
ვიზიტორის, რომელიც ყველას ჩამოტვირთვას ითხოვსრა სახელი და ელფოსტა.რატომ და რა საფუძვლით მოთხოვნილი ბმულის გასაგზავნად.რამდენ ხანს zip არქივი და ბმული 7 დღე მოქმედებს. სახელი და ელფოსტა გალერეასთან ერთად იშლება.
ვიზიტორის მოწყობილობისრა შემთხვევითი ID, რომელზეც სახელი არ წერია, მოწყობილობის რჩეულები და კალათა და ის, გახსნა თუ არა მან გალერეა იმ დღეს.რატომ და რა საფუძვლით მოწყობილობის შესაშვებად, რჩეულებისა და კალათის შესანახად და სტუდიისთვის ნახვების დასათვლელად. ეს გალერეების მართვაში ჩვენი ლეგიტიმური ინტერესია.რამდენ ხანს გალერეის წაშლამდე.
ყველასი, ვინც პორტფოლიოს ხსნისრა ნახვების დღიური რაოდენობა. იმას, უკვე დაითვალა თუ არა მოწყობილობა, მისი IP მისამართითა და ბრაუზერით ვადგენთ, შემთხვევითი მნიშვნელობით, რომელიც ყოველდღე იცვლება. არცერთს არ ვინახავთ და შემთხვევითი მნიშვნელობა იშლება, ამიტომ ვერავინ დაადგენს, ვინ იყო.რატომ და რა საფუძვლით სტუდიისთვის ნახვების საჩვენებლად, რაც პორტფოლიოების მართვაში ჩვენი ლეგიტიმური ინტერესია.რამდენ ხანს 30 დღე.
ყველასირა მოთხოვნების ჩანაწერები ბრაუზერით, მოთხოვნის ტიპითა და შედეგით, და შეცდომების ანგარიშები. ისინი გვერდების მისამართებს, ქუქი-ფაილებსა და სახელებს არ შეიცავს.რატომ და რა საფუძვლით Firi-ს მუშაობისა და უსაფრთხოების უზრუნველსაყოფად, რაც ჩვენი ლეგიტიმური ინტერესია.რამდენ ხანს 30 დღე.

რა უნდა მოგვაწოდოთ

გალერეის ან პორტფოლიოს გასახსნელად არაფერი. დამატების საყიდლად გვჭირდება თქვენი სახელი და ელფოსტა, ხოლო თუ ანაბეჭდებს კურიერი მოგიტანთ, ტელეფონის ნომერი და მისამართიც. მათ გარეშე შეკვეთას ვერ შევასრულებთ.

ვინ იღებს ამ მონაცემებს

  • სტუდია, რომლის გალერეაცაა, შეკვეთებისთვის.
  • კურიერი, რომელსაც ანაბეჭდები მოაქვს.
  • Firi-ს ოპერატორები, რომლებიც ანაბეჭდებს ასრულებენ და თანხას აბრუნებენ.
  • ქვემოთ ჩამოთვლილი კომპანიები, რომლებიც Firi-სთვის მუშაობენ.
  • საჯარო დაწესებულებები, როცა ამას კანონი ითხოვს.

პერსონალურ მონაცემებს არ ვყიდით და ვიზიტორებს რეკლამას არ ვუგზავნით.

კომპანიარისთვისსად
netcupრისთვის Firi-ს სერვერები და მონაცემთა ბაზასად გერმანია
Backblazeრისთვის ფაილები და სარეზერვო ასლები, რომლებიც 30 დღე ინახებასად ნიდერლანდები
Bunnyრისთვის პორტფოლიოს საჯარო ფაილები და ვიდეოებისად სლოვენია, მიწოდება მთელ მსოფლიოში
Resendრისთვის ელფოსტასად ირლანდია
Keepzრისთვის გადახდებისად საქართველო
Sentryრისთვის შეცდომების ანგარიშებისად გერმანია
Axiomრისთვის მოთხოვნების ჩანაწერებისად ევროკავშირი

ეს ქვეყნები პერსონალურ მონაცემთა დაცვის სათანადო გარანტიების მქონე ქვეყნების საქართველოს ნუსხაშია. პორტფოლიოს ფაილები საჯაროა, ამიტომ Bunny მათ იქ აწვდის, სადაც ისინი იხსნება.

სხვა კომპანიები პორტფოლიოზე

სტუდიას შეუძლია თავის პორტფოლიოს დაამატოს Instagram-ის ბლოკი და YouTube-ისა თუ Vimeo-ს ვიდეოები. როცა თქვენი ბრაუზერი მათ ჩატვირთავს, ეს კომპანია იღებს ვიზიტის ჩვეულ მონაცემებს, მაგალითად თქვენს IP მისამართს, და შესაძლოა საკუთარი ქუქი-ფაილები განათავსოს. მათით რას აკეთებს, თავად წყვეტს, საკუთარი კონფიდენციალურობის პირობების მიხედვით.

ქუქი-ფაილები

Firi პორტფოლიოზე ქუქი-ფაილებს არ ათავსებს. გალერეებსა და სტუდიის აპლიკაციაში მხოლოდ იმას ათავსებს, რაც მუშაობისთვის სჭირდება, და არცერთს რეკლამისთვის.

ქუქი-ფაილირისთვისრამდენ ხანს
firi_deviceრისთვის მოწყობილობის შემთხვევითი IDრამდენ ხანს 400 დღე
firi_access_ და გალერეის IDრისთვის პაროლის შემდეგ მოწყობილობას გალერეაში უშვებსრამდენ ხანს 400 დღე
firi-sessionრისთვის წევრს ანგარიშში შესულს ტოვებსრამდენ ხანს 30 დღე

თქვენი ბრაუზერი თქვენ მიერ არჩეულ ენასაც იმახსოვრებს.

თქვენი უფლებები

შეგიძლიათ მოგვთხოვოთ:

  • რას ვინახავთ თქვენზე და მისი ასლი.
  • მისი გასწორება ან შევსება.
  • მისი გამოყენების შეწყვეტა, წაშლა ან განადგურება.
  • მისი დაბლოკვა, სანამ რამე მოწმდება.
  • იმის გადმოცემა, რაც მოგვაწოდეთ, ან სხვისთვის გადაცემა, სადაც ეს შესაძლებელია.

თუ თანხმობა გაქვთ გაცემული, მისი გამოხმობა ნებისმიერ დროს შეგიძლიათ. თქვენზე ავტომატიზებულ გადაწყვეტილებებს არ ვიღებთ.

მოგვწერეთ: admin@imna.digital. გიპასუხებთ 10 სამუშაო დღეში, ან გაცნობებთ, თუ კიდევ 10 დღემდე დაგვჭირდება.

ასევე შეგიძლიათ მიმართოთ საქართველოს სახელმწიფო აუდიტის სამსახურს ან სასამართლოს.

ცვლილებები

თუ ამ განცხადებას შევცვლით, აქ განვაახლებთ ახალი თარიღით და სტუდიებს გავაცნობთ.